ہمارے کھلاڑی صرف کھیل کے میدانوں تک ہی محدود نہیں رہتے بلکہ انٹرٹینمنٹ کا بھی کوئی موقع ہاتھ سے جانے نہیں دیتے۔ اب مشہور باؤلر شاہنواز دہانی کو ہی دیکھ لیں جن کی گانا گاتے ہوئے ویڈیو وائرل ہورہی ہے۔ آپ بھی دیکھیں
ویڈیو میں دیکھا جاسکتا ہے کہ شاہنواز پورے اعتماد کے ساتھ بھارت کا مشہور زمانہ گیت “جب کوئی بات بگڑ جائے“ گا رہے ہیں جبکہ ان کے پیچھے بینڈ میوزک دے رہا ہے۔ شاہنواز نے ہاتھ میں موبائل بھی تھاما ہوا ہے۔ اگرچہ ان کے سر کچھ زیادہ پکے نہیں ہیں اس کے باوجود وہ خوشی خوشی سب کو گانا سناتے ہوئے دیکھے جاسکتے ہیں۔
سوشل میڈیا پر وائرل اس ویڈیو کے نیچے کئی صارفین نے شاہنواز کو گانے سے زیادہ کھیل پر توجہ دینے کا مشورہ دیا تو کسی نے انھیں چاہت علی خان کی ٹکر کا سریلا گلوکار بنا ڈالا جبکہ کچھ صارفین کے مطابق شاہنواز کافی معصوم ہیں اور یہ ان کا حق ہے کہ کیسے وہ اپنی خوشی ا اظہار کرتے ہیں۔