شادی میں نکاح کے موقع پر دلہا دلہن کے اچھے مستقبل کی دعا کروانا تو عام ہے لیکن سوشل میڈیا پر وائرل ویڈیو میں ایک نکاح خواں نے ایسی دعا کروائی کہ دلہا ہی نہیں بلکہ شادی میں آئے مہمانوں کی بھی ہنسی چھوٹ گئی۔
وائرل ویڈیو میں دیکھا جا سکتا ہے کہ نکاح خواں دلہا اور دلہن کے بجائے کنوارے، بزرگوں کی شادی کے لیے دعا کراتے ہیں۔
مزاحیہ انداز میں دعا کراتے ہوئے نکاح خواں کہتے ہیں کہ تقریب کے وہ بزرگ جو دوسری شادی کے خواہشمند ہیں اللہ تعالیٰ ان کی دوسری شادی کرائے اور ایسے کرائے کہ پہلی بیوی کو پتہ نہ چلے جب کہ کنواروں غم کے ماروں کو بھی بیوی عطا فرما، سب کو پہلی بیوی کی آفت سے بچا۔
نکاح خواں کی اس دعا پر نہ صرف اسٹیج پر بیٹھے دلہا کی ہنسی چھوٹ گئی بلکہ تقریب میں موجود باراتیوں کے قہقہے بھی نکل پڑے۔
یاد رہے کہ سوشل میڈیا پر شہرت کیلئے کئی بار اس قسم کی ویڈیوز وائرل ہوتی ہیں تاہم کئی بار دیکھا یہ گیا ہے کہ ایسی ویڈیوز دانستہ بنوائی جاتی ہیں تاکہ سوشل میڈیا پر شہرت حاصل کی جاسکے۔
اس نکاح خواں نے بھی شادی کے موقع پر محض تفریح کی غرض سے ایسا کیا جبکہ بعد میں انہوں نے سنجیدگی سے دعا کروائی۔