بھارتی ٹیم کے نوجوان کرکٹر نے مقبوضہ کشمیر میں شادی کرلی۔
بھارتی میڈیا کے مطابق، ممبئی سے تعلق رکھنے والے نوجوان کرکٹر سرفراز خان اتوار کو جموں و کشمیر کے شوپیاں ضلع میں ایک خاموش تقریب میں شادی کے بندھن میں بندھ گئے، کیونکہ دلہن کا تعلق وہاں سے ہے۔
شادی کے بارے میں میڈیا میں کوئی گونج یا کسی قسم کی خبر نہیں تھی، اسی لیے یہ شادی بہت سے لوگوں کے لیے حیران کن تھی۔
سرفراز خان کی شادی ایک مقامی فین فیسٹ بن گئی کیونکہ آس پاس کے علاقوں سے لوگ دلہن کے گھر، سرفراز کی ایک جھلک دیکھنے اور ان سے بات چیت کرنے کے لیے جمع ہوگئے۔ اس کے علاوہ مداح سرفراز کی اہلیہ کا نام جاننے کے لیے بے تاب ہیں۔
سوشل میڈیا رپورٹس کے مطابق کرکٹر سرفراز کی اہلیہ کا نام رومانہ ظہور ہے۔
این بی ٹی کی ایک رپورٹ کے مطابق، رومانہ اور سرفراز کی ملاقات دہلی میں ہوئی۔ رومانہ بی ایس سی کی طالبہ ہیں اور سرفراز کے کزن کے ساتھ پڑھتی ہیں۔ رومانہ سرفراز کے کزن کے ساتھ ایم بار میچ دیکھنے گیئں اور وہیں ان کی پہلی ملاقات ہوئی، جس کے فوراً بعد کرکٹر نے شادی کرنے کا فیصلہ کر لیا۔
سرفراز کے کزن کے مطابق، ان کے اہل خانہ شادی کی تجویز لے کر گھر گئے اور دونوں گھر والوں نے شادی پر رضامندی ظاہر کر دی۔