ایک سفید لباس تو سب نے دیکھا لیکن ۔۔ کیا شہزادی ڈیانا نے شادی کیلئے دو عروسی جوڑے بنوائے تھے؟ کئی سال بعد سچ سامنے آگیا

برطانیہ کے بادشاہ چارلس کی آنجہانی اہلیہ ڈیانا کی شہرت انتقال کے برسوں بعد بھی برقرار ہے، پوری دنیا میں اپنی ایک منفرد پہچان رکھنے والی شہزادی ڈیانا کی شادی کے حوالے سے نیا انکشاف سامنے آیا ہے۔

1981 میں شہزادی چارلس سے شادی کرنے والی ڈیانا کے عروسی لباس کی ڈیزائنر الزبتھ ایمانوئل نے اپنے ایک حالیہ انٹرویو میں انکشاف کیا ہے کہ آنجہانی شہزادی ڈیانا نے شادی کے لیے ایک نہیں بلکہ دو عروسی جوڑے تیار کروائے تھے۔

انہوں نے دوسرے جوڑے کی وجہ بتائی کہ شادی کے دن کسی بھی طرح کی بدمزگی نہ ہو اس لیے شہزادی ڈیانا کے لیے دو عروسی جوڑے تیار کروائے ھے لیکن خوش قسمتی سے شہزادی ڈیانا کا ’اسپیئر ویڈنگ گاؤن‘ استعمال کرنے کی ضرورت نہیں پڑی۔

الزبتھ ایمانوئل کا کہنا تھا کہ شہزادی ڈیانا کے دونوں عروسی جوڑے تقریباََ ملتے جلتے تھے اور دونوں جوڑوں کا اسکرٹ بڑا تھا لیکن ڈیزائن مختلف تھے، انہوں نے بتایا کہ ایک لباس تو انہوں نے اپنی شادی پر استعمال کیا تھا لیکن مجھے یہ نہیں معلوم کہ اس وقت ڈیانا کا ’اسپیئر ویڈنگ گاؤن‘ کہاں ہے۔