لوری تو ہر ماں سناتی ہے لیکن ۔۔ ڈمپل گرل پریتی زنٹا اپنے بچوں کو کیا سنا کر سلاتی ہیں؟ دیکھئے

چھوٹے بچوں کو لوری سناکر سلانا تو پاک بھارت معاشروں میں معمول کی بات ہے لیکن صرف عام مائیں ہی نہیں بلکہ اداکارائیں بھی اپنے بچوں کو لوریاں اور گانے سناکر سلاتی ہیں۔

بالی ووڈ اداکارہ پریتی زنٹا نے انکشاف کیا ہے کہ وہ اپنے جڑواں بچوں کو سلانے کے لیے اپنی فلم 20 سال پہلے ریلیز ہونے والی فلم ’کوئی مل گیا‘ کا گانا سناتی ہیں۔

اپنے ایک انٹرویو میں ڈمپل گرل پریتی زنٹا نے بتایا کہ وہ اپنے جڑواں بچوں ’جیا‘ اور ’جے‘ کو سلانے کے لیے ’کوئی مل گیا‘ گانا سناتی ہیں۔

سائنس فکشن فلم ’کوئی مل گیا‘ 2003ء میں ریلیز ہوئی تھی، پریتی زنٹا کے ساتھ ہریتک روشن نے اس فلم میں مرکزی کردار ادا کیا تھا۔ ہریتھک روشن اور پریتی زنٹا کے علاوہ فلم میں ریکھا، پریم چوپڑا، مکیش رشی اور دیگر بھی شامل تھے۔

فلم ’کوئی مل گیا‘ کی 20ویں سالگرہ منانے کے لیے اسے حال ہی میں دوبارہ بھارت کے سینما گھروں میں ریلیز کیا گیا ہے۔

پریتی زنٹا نے اپنے انٹرویو میں فلم کے دوران پیش آنے والے کچھ دلچسپ واقعات سے بھی پردہ اٹھایا۔ انہوں نے کوئی مل گیا کو اپنی فیورٹ  فلموں  میں سے ایک قرار دیا۔