بارش کی وجہ سے کیچڑ میں دھنس جانے والی گائے کو موٹر سائیکل سوار نوجوان نے بچاکر سوشل میڈیا صارفین کے دل جیت لئے، ویڈیو سوشل میڈیا پر وائرل ہوگئی۔
واقعہ بھارتی ریاست کرناٹک میں پیش آیا، سوشل میڈیا پر وائرل ویڈیو میں ایک بائیک سوار نوجوان نے سڑک کے کنارے کیچڑ میں بری طرح پھنسی گائے کیلئے اپنی زندگی داؤ پر لگادی لیکن گائے کو بچاکر ہی دم لیا۔
گائے کو بچانے کے بعد قریبی گھر کی ایک خاتون نے نوجوان کو ہاتھ صاف کرنے کیلئے پانی دیا جس سے اس نے اپنے آپ کو صاف کیا۔
اس ویڈیو کو 7 ملین سے زیادہ لوگوں نے دیکھا اور نوجوان کے جذبے کی تعریف کہ جس نے ایک بے زبان جانور کیلئے اپنی جان داؤ پر لگادی۔
یاد رہے کہ سوشل میڈیا پر انسانیت دوستی کے واقعات اکثر سامنے آتے ہیں جس پر لوگوں میں انسانی ہمدردی کا جذبہ مزید فروغ پاتا ہے۔
جانوروں سے محبت اور ان کا درد رکھنے والے نوجوان کی ایک دل کو چھو لینے والی ویڈیو انٹرنیٹ پر سامنے آئی ہے جس نے سب کے دل جیت لیے ہیں۔