معروف اداکارہ و ٹی وی میزبان ندا یاسر نے اپنے شوہر کا فون چیک کرنے کے حوالے سے کہا ہے کہ مرد صرف وہ شریف ہے جس کو موقع نہیں ملا،میں نے آج تک شوہر کا فون چیک نہیں کیا، کیونکہ مجھے موبائل پر لگا کوڈ معلوم نہیں ہے۔
اپنے ایک انٹرویو میں ندا یاسر نے کہا کہ میرے بچوں کو اپنے والد، یاسر کے موبائل پر لگا کوڈ معلوم ہے مگر وہ بھی مجھے نہیں بتاتے کہ کہیں میں چیک ہی نہ کر لوں موبائل اور کچھ ایسا نہ نکل آئے کہ جس سے ہماری لڑائی ہو جائے۔ان کا کہنا تھا کہ میری نظر میں شریف صرف وہ ہے جس کو موقع نہیں ملا ورنہ کوئی شریف نہیں ہے۔
ندا یاسر نے بطور پروڈیوسر اور ماڈل اپنے کیریئر کا آغاز کیا۔ ندا بعد میں اے آر وائی ڈیجیٹل میں شامل ہوگئیں جب شائستہ لودھی نے اے آر وائی ڈیجیٹل کو چھوڑ کر جیو ٹی وی میں مارننگ شو کی پیش کش قبول کرلی۔ ندا اب اے آر وائی ڈیجیٹل پر مارننگ شو گڈ مارننگ پاکستان کی میزبانی کررہی ہیں۔