پاکستان کی سپر اسٹار اداکارہ ماہرہ خان شادی کے بندھن میں بندھنے والی ہیں ایسی افواہیں سوشل میڈیا پر اس دنوں زیر گردش ہیں۔
اس حوالے سے آپ کو ہماری ویب میں مزید تفصیل سے بتائیں گے۔
اداکارہ ماہرہ خان کی شادی سے متعلق سوشل میڈیا پر کچھ خبریں سامنے آرہی ہیں جن میں یہ دعویٰ کیا جارہا ہے کہ اداکارہ آئندہ ماہ رشتہ ازدواج میں منسلک ہو جائیں گی۔
مختلف سوشل میڈیا پیجز پر گردش کرنے والی ان خبروں میں بتایا جا رہا ہے کہ ماہرہ اپنے قریبی دوست سلیم کریم کے ساتھ نئی زندگی کی شروعات کرنے والی ہیں مگر اس حوالے سے ماہرہ خان کی جانب سے نہ ہی تصدیق کی گئی ہے اور نہ ہی تردید۔
بتایا یہ بھی جا رہاہے کہ ماہرہ خان کی شادی میں قریبی دوستوں اور رشتہ داروں کو مدعو کیا گیا ہے اور اسے انتہائی خفیہ طور پر رکھا جائے گا۔
یاد رہے کہ ماہرہ خان نے 2007 میں علی عسکری سے شادی کی تھی۔ 2009 میں اس جوڑے نے اپنے بیٹے اذلان عسکری کو دنیا میں خوش آمدید کہا۔ تاہم بدقسمتی سے یہ شادی نہ چل سکی اور 2015 میں دونوں نے علیحدگی کا اعلان کردیا تھا۔