اگر آپ بھی ریسٹورنٹ میں سالگرہ کرنے کا شوق رکھتے ہیں اور چاہے آپ کیک باہر سے خود لے کر جائیں لیکن آپ کو مشورہ ہے کہ انتظامیہ سے پہلے پوچھ ضرور لیں ورنہ پریشانی کا سامنا کرنا پڑسکتا ہے۔
میڈیا رپورٹس کے مطابق اٹلی میں ایک خاندان سسلی کے شہر پالرمو کے ایک ریستوران میں سالگرہ منا رہا تھا، خاندان نے ریسٹورنٹ سے پیزا اور مشروبات کی مد میں تقریباً 10000 روپے کا سامان لیا۔
خاندان کو اس وقت حیرت اور پریشانی کا سامنا کرنا پڑا جب ٹوٹل بل بن کر آیا تو بل میں "20 ایکس کیک سروس” کے اضافی چارجز 20 یورو یعنی 1800روپے علیحدہ سے لکھے گئے تھے۔
ریسٹورنٹ انتظامیہ نے سالگرہ کیک کاٹنے کا اتنا بڑا بل تھما دیا کہ سب حیران رہ گئے، عام سی سروس کے لیے اتنے زیادہ چارجز نے خاندان کو پریشان ضرور کیا لیکن انہیں بل دیکر ہی آنا پڑا۔
واقعہ کی تفصیلات سوشل میڈیا پر آنے کے بعد صارفین نے شدید ردمل عمل کا اظہار کیا جبکہ کچھ لوگوں نے ریستوران میں سالگرہ منانے کیلئے جانے والوں کو پہلے ہر چیز اور سروسز کے بارے میں معلومات لینے کا بھی مشورہ دیا۔