میامی سے اڑنے والی پرواز میں پائلٹ ہارٹ اٹیک سے چل بسا، 271 مسافروں سے بھرے طیارے کو کسی قسم کا کوئی نقصان نہیں ہوا۔
لٹام ائیر لائن کی پرواز 271 مسافروں کو لیکر میامی سے چلی جارہی تھی، ٹیک آف کے کچھ دیر بعد ساتھی پائلٹ نے طیارے میں کسی ڈاکٹر کی موجودگی کے بارے میں دریافت کیا تاہم 56 سالہ پائلٹ ایوان اینڈور کی طبیعت زیادہ خراب ہونے پر ساتھی پائلٹ نے ہنگامی لینڈنگ کا فیصلہ کیا۔
طیارے میں موجود ساتھی پائلٹ نے ایوان اینڈور کو بچانے کی پوری کوشش کی اور طیارے کو پناما کے انٹرنیشنل ائیر پورٹ پر ہنگامی لینڈنگ کرائی گئی۔
لینڈنگ کے بعد ایک ڈاکٹر اور فوری نرس پائلٹ کو طبی امداد دینے کے لیے طیارے میں پہنچے تاہم ایوان اینڈور کی جان نہ بچا سکے۔
ڈاکٹر کا کہنا تھا کہ طیارے کے لینڈ کرنے کے بعد پائلٹ ایوان اینڈور کی موت واقع ہوئی، موت کا سبب ہارٹ اٹیک تھا۔
پائلٹ کی اچانک موت کی وجہ سے طیارے کے تمام مسافروں کو پناما کے ہوٹلز میں قیام کروایا گیا اور پھر اگلے روز طیارے کا آپریشن دوبارہ بحال کیا گیا۔