بھارت کی اسکینڈل کوئین راکھی ساونت نے اپنے لباس کے حوالے سے نیا اعلان کرکے سب کو حیران کردیا ہے۔
بولڈ ڈریسنگ کے حوالے سے مشہور اداکارہ راکھی ساونت نے اعلان کیا ہے کہ اب وہ سینئر اداکارہ ریکھا کے انداز میں ڈریسنگ کیا کریں گی۔
سوشل میڈیا پر وائرل ویڈیو میں راکھی ساونت کو ایک تقریب میں شرکت کرتے ہوئے دیکھا جاسکتا ہے، تقریب میں میڈیا سے بات کرتے ہوئے راکھی ساونت نے کہا کہ اب وہ بولڈ ڈریس پہننا بند کر دیں گی اور ریکھا کے انداز میں ’انار کلی‘ ڈریسنگ اسٹائل اپنائیں گی۔
اس سے قبل راکھی ساونت کی اپنے شوہرعادل درانی سے طلاق کی خوشی میں ڈھول کی تھاپ پر رقص کی ویڈیو سوشل میڈیا پر وائرل ہوئی تھی۔راکھی نے عادل درانی سے علیحدگی کی خوشی میں میڈیا کے سامنے ڈھول کی تھاپ پر رقص کیاتھا۔
یاد رہے کہ جنوری 2023 میں راکھی ساونت نے عادل خان کے ساتھ نکاح کی تصاویر اور ویڈیوز شیئر کرتے ہوئے اپنی شادی کا اعلان کیا تھا جبکہ ساتھ ہی راکھی کی جانب سے کلمہ پڑھ کر مسلمان ہونے کی ویڈیوبھی شیئر کی گئی تھی۔