مکہ مکرمہ میں گذشتہ روز طوفانی بارش ہوئی جس کی مختلف ویڈیوز سوشل میڈیا پر وائرل ہوئیں۔ مکہ مکرمہ میں اب آئے روز بارشوں کو سلسلہ جاری رہتا ہے۔
دورانِ بارش مسجد الحرام میں ایمان افروز مناظر بھی دیکھنے کو ملے، طوفانی بارش کے باوجود عازمین عمرہ طواف کرتے اور اللہ تعالیٰ کی حمد وثنا بیان جاری رکھے ہوئے تھے۔
طوفانی ہواؤں کے جھکڑوں سے مسجد الحرام کے صحن میں موجود رکھی مختلف اشیا اڑ گئیں اور صفائی کرنے والاعملہ اپنا توازن برقرار نہ رکھتے ہوئے پھسل گیا۔ مسجد الحرام کے اطراف کی سڑکوں سمیت مکہ کے دیگر علاقے بھی زیر آب آ گئے تھے۔
طوفانی بارش کے دوران مکہ ٹاور کے اوپر بجلی چمکنے کے مناظر سوشل میڈیا پر وائرل ہوگئے۔
حرمین شریفین کی انتظامیہ کا کہنا ہے کہ زائرین اور نمازیوں کی سہولت کے لیے مطاف ، نماز کے مقامات ، داخلی راستوں پر پانی کی فوری نکاسی اور فرش خشک کرنے کو یقینی بنایا گیا ہے۔