چین میں نوجوانوں کی شادی سے دوری اور بچوں کی شرح پیدائش کم ہونے کی وجہ سے لڑکوں کو جلدی شادی کی ترغیب دینے کیلئے کم عمر دلہن لانے پر انعام کا اعلان کردیا ہے۔
چین کے مشرقی علاقے چینک شین کاؤنٹی کی مقامی حکومت نے نوجوانوں کو دلہن کی عمر 25 سال یا اس سے کم ہونے پر شادی شدہ جوڑوں کو 1 ہزار یوآن یعنی تقریبا137 ڈالر انعام دینے کا اعلان کیا ہے۔
گزشتہ 6 دہائیوں میں چین کی آبادی میں پہلی دفعہ کمی اور موجودہ آبادی کی تیزی سے بڑھتی ہوئی عمر آبادی کے بارے میں فکر مند حکام فوری طور پر شرح پیدائش کو بڑھانے کے لیے اقدامات کی کوشش کر رہے ہیں جن میں مالی مراعات اور بچوں کی دیکھ بھال کی بہتر سہولیات شامل ہیں۔
یہ تازہ ترین اقدام نوجوانوں کو شادی کے لیے ترغیب دینے اور گرتی ہوئی شرح پیدائش کے باعث ہونے والی تشویش پر کیا جارہا ہے۔ اس نوٹس میں پہلے سے شادی شدہ بچوں کی دیکھ بھال اور ان کے لیے تعلیمی رعایت دینے کا بھی ذکر شامل ہے۔