آنجہانی سپر اسٹار سری دیوی کی بیٹی جھانوی کپور اور ان کے بوائے فرینڈ شیکھر پہاڑیا کی منگنی کی افواہیں سوشل میڈیا پر گرم ہیں۔
بالی ووڈ کی خوبرو اداکارہ جھانوی کپور اور شیکھر پہاڑیا کو ایک ساتھ عبادت کرتے دیکھا گیا،جھانوی کپور نے جامنی رنگ کی ساڑھی پہنی ہوئی تھی جب شیکھر سفید لباس زیب تن کیے ہوئے تھے۔
ویڈیو وائرل ہوئی تو سوشل میڈیا صارفین نے یہ اخذ کیا کہ شاید دونوں نے منگنی کرلی ہے جبکہ افواہوں کو مزید تقویت اس وقت ملی جب جھانوی کپور کی انگلی میں ہیرے کی انگوٹھی دیکھی گئی۔
ایک میڈیا رپورٹ نے اس بات کی سختی سے تردید کردی ہے، بتایا گیا ہے کہ جھانوی کپور سری دیوی کی سالگرہ پر عبادت کیلئے گئی تھیں۔
واضح رہے کہ جھانوی کپور سری دیوی اور بونی کپور کی بیٹی ہیں اور بالی ووڈ میں کیریئر بنانے کی کوششوں میں مصروف ہیں۔
شیکھر پہاڑیا مہاراشٹر کے سابق وزیر اعلی سشیل کمار شندے کے پوتے ہیں۔ وہ پہلے جھانوی کپور کے ساتھ نظر آتے تھے لیکن پھر دونوں الگ ہوگئے تاہم اب دوبارہ دونوں ساتھ دیکھے جارہے ہیں۔