دولہا شادی سے فرار ۔۔ دلہن نے ہونے والے سسر سے نکاح کرکے بدلہ لے لیا

شادی کسی بھی انسان کی زندگی کا خوبصورت ترین وقت ہوتا ہے لیکن کئی بار یہ خوشی غم اور کبھی تو ڈرامے میں بھی بدل جاتی ہے، انڈونیشیا میں بھی ایسا ہی ایک واقعہ پیش آیا جہاں دولہا کے فرار کی وجہ سے دلہن نے ہونیوالے سسر سے شادی کرلی۔

29 اگست 2023 کو انڈونیشیا کے ایک گاؤں جیکوتامو میں ایک شادی کی تقریب عجیب صورتحال اختیار کرگئی جب عین موقع پر دولہا نہ آسکا اور کافی انتظار کے بعد دلہن نے ہونے والے سسر سے نکاح کرلیا۔

لڑکے کے والد نے بتایا کہ اس تقریب پر لاکھوں روپے خرچ ہوچکے تھے اور فضا میں بے یقینی تھی اور اسی وجہ سے انہوں ںے آگے بڑھ کر شادی کا فیصلہ کیا۔لڑکی کے بھائی وستو احمد نے میڈیا کو بتایا کہ ان کی بہن نے فرار ہونے والے لڑکے کے والد سے شادی کرلی ہے۔

لڑکی کے اہل خانہ نے بتایا کہ دولہا اپنی شادی کے وقت غائب ہوگیا اور قریبی دوستوں کو صرف اتنا بتایا کہ شادی منسوخ ہوچکی ہے۔ غریب لڑکی نے بہت مشکل سے جہیز وغیرہ کا سامان تیار کیا تھا اور تقریب پر زندگی کی جمع پونجی لگ چکی تھی، مہمان بھی پہنچ گئے تھے۔

دولہا کے فرار کی وجہ سے موقع پر دلہن کے ہونے والے سسر نے لڑکی کے اہل خانہ کو اپنی شادی کی پیشکش کی جو قبول کرلی گئی۔ اس طرح ہونےوالے شوہر کے سسر نے خاتون سے نکاح کرلیا۔