پاکستان کے ڈراموں میں اکثر ساس کے کردار میں انتہائی تیز طرار نظر آنے والی سینئر اداکارہ صبا فیصل کا کہنا ہے کہ والد کے سامنے شادی سے انکار کرنے کی ہمت نہیں تھی۔
نجی ٹی وی کے پروگرام میں اداکارہ صبا فیصل نے اپنی بہن فرح کے ہمراہ شرکت کی۔ اس موقع پر بات چیت کے دوران انہوں نے کہا کہ مجھے محبت کرنے والی بہنیں ملیں اور بہت خیال رکھتی تھیں۔
صبا فیصل کی چھوٹی بہن فرح کا کہنا تھا کہ میرے ساتھ صبا نے بڑے ہونے کا بہت رعب جمایا ہے، صبا کہتی ہیں کہ یہ کرو، وہ کرو، اس دوران میرے بڑے بھائی پیچھے آتے تھے کہ صبا میرے ساتھ زیادتی تو نہیں کررہیں۔انہوں نے بتایا کہ صبا کا ابھی تک رعب ہے۔
اس موقع پر صبا فیصل نے کہا کہ فرح 17 سال کی تھیں تو ان کی شادی ہوگئی تھی، میری شادی ہورہی تھی اس دوران پھوپھو آگئی اور کہنے لگیں کہ میری طبیعت بہت خراب مجھے فرح کا رشتہ دے دو۔
اداکارہ نے بتایا کہ والد نے بہن کو منع نہیں کیا اور رشتہ پکا ہوگیا، بھائی کہنے لگے تم انکار کردو لیکن اتنی ہمت نہیں تھی کہ والد کے سامنے جاکر منع کردیں۔
صبا فیصل نے اپنی پیشہ وارانہ زندگی کا آغاز نیوز میزان کی حیثیت سے کیا اور بعد میں پاکستانی ڈراموں میں کام کرنا شروع کیا۔صبا فیصل کی بیٹی سعدیہ فیصل نے بھی کئی ڈراموں میں کام کر چکی ہیں جبکہ ان کے بیٹے، سلمان فیصل بھی انڈسٹری میں کام کر چکے ہیں۔