انڈین اداکارہ پرینیتی چوپڑا اتوار کو اُدے پور میں راگھو چڈھا سے شادی کے بندھن میں بند جائیں گی، اور زندگی کے اس اہم ترین دن سے قبل ان کی بہترین دوست ثانیہ مرزا نے انہیں مبارک باد کا ایک خوب صورت پیغام بھیجا ہے۔
34 سالہ راگھو چڈھا پنجاب سے انڈین پارلیمنٹ کے کم عمر ترین رکن ہیں اور ان کا تعلق عام آدمی پارٹی (آپ) سے ہے۔ انڈین نیوز چینل این ڈی ٹی وی کے مطابق سنیچر کو انڈیا کی سابق ٹینس کھلاڑی نے پرینیتی چوپڑا کے ساتھ اپنی ایک دلکش تصویر اس پیغام کے ساتھ انسٹاگرام پر اپ لوڈ کی: ’خوبصورت لڑکی مبارک ہو۔ میں تمہیں سب سے بڑی جھپی ڈالوں گی۔‘خیال رہے کہ آج پرینیتی کی ہلدی کی رسم ہے اور اس حوالے سے مہمانوں کے اعزاز میں دوپہر کا کھانا بھی دیا گیا۔ثانیہ مرزا کے علاوہ پرینیتی چوپڑا کو ان کی سپرسٹار کزن پرینکا چوپڑا کی جانب سے بھی مبارک باد کا پیغام ملا۔پرینکا نے لاس اینجلس سے انسٹاگرام پر پرینیتی کی خوش گوار موڈ کی ایک تصویر شیئر کی اور لکھا کہ ’مجھے امید ہے کہ آپ اپنے اس بڑے دن پر خوش اور مطمئن ہوں گی۔‘سنیچر کی صبح اُدے پور ایئرپورٹ کو جوڑے کے دیوہیکل پوسٹروں سے سجایا گیا تھا۔ باراتیوں کی آمد کے ساتھ ہی ڈھول کی تھاپ اور بھنگڑے کے ساتھ ان کا استقبال کیا گیا۔ایئرپورٹ سے باہر آنے والے ہر مہمان کو پھول پیش کیے گئے۔ بعد میں مہمانوں کو شادی کی جگہ پر کشتیوں کے ذریعے لے جایا گیا۔