بھارتی اداکار سلمان خان کی طرف سے اپنی لے پالک بہن آرپیتا کو آیت الکرسی کی کیلی گرافی کا تحفہ دینے پر مداح بھی حیران رہ گئے۔
آرپیتا کو سلمان خان کے والدین نے پالا تھا اور کچھ عرصہ قبل اس کی شادی کی تھی۔سلمان خان کی بہن آرپیتا کے شوہر اداکار آیوش شرما نے بھارتی میڈیا کو اپنے گھر کا وزٹ کرواتے ہوئے بتایا کہ جب ہم اپنا گھر بنا رہے تھے تو میں نے سلمان خان سے کہا کہ مجھے اس دیوار کیلئے کچھ ایسا چاہیے جو بہت خوبصورت ہو۔
انہوں نے بتایا کہ سلمان بھائی نے مجھے خود اپنے ہاتھ سے آیت الکرسی کی کیلی گرافی کا تحفہ دیا جس میں نماز ادا کرنے کے ارکان کی تصاویر بھی بنی ہیں۔ سلمان خان نے آیت کرسی کی کیلی گرافی کا آرٹ کا نمونہ گھر میں خیر و برکت کیلئے دیا ہے۔آرٹ کے اس نمونے میں قرآن کریم کی دیگر آیات بھی شامل ہیں۔
یاد رہے کہ سلمان خان اداکاری کے علاوہ پینٹنگ کا شوق بھی رکھتے ہیں، اداکار آیوش شرما کے اس انٹرویو کے بعد بالی ووڈ سپراسٹارسلمان خان کے مداحوں کی جانب انہیں خوب سراہا جا رہا ہے۔