بالی ووڈ کے کنوارے سپر اسٹار سلمان خان کی ایک پراسرار لڑکی کے ساتھ تصویر نے ایک بار پھر سوشل میڈیا پر دبنگ خان کی شادی کے حوالے سے بحث چھیڑ دی ہے۔
سلمان خان نے سوشل میڈیا پر لڑکی کے ساتھ ایک تصویر پوسٹ کی جس کے ساتھ انھوں نے دل کا ایموجی بھی بنایا ہے اور کیپشن میں لکھا کہ ’میں ہمیشہ آپ کی پشت پر موجود رہوں گا۔‘ تصویر کے اوپر لکھے پیغام میں اداکار نے کہا کہ ’کل اپنے دل کا ایک ٹکڑا شیئر کر رہا ہوں۔‘
سلمان خان کے مداح ان کی فلموں، اسٹیج شوز اور دیگر پروگرامز کے بارے میں جاننا چاہتے ہیں بلکہ ان کی سوشل میڈیا پوسٹس پر بھی نظر رکھتے ہیں۔ بالی وڈ اداکار کی نامعلوم لڑکی کے ساتھ تصویر دیکھ کر مداح حیرانگی میں مبتلا ہیں۔
تصویر میں سلمان اور نامعلوم لڑکی جس کا چہرہ نظر نہیں آرہا لیکن دنوں سفید لباس میں ملبوس ہیں، اس تصویر کو سوشل میڈیا صارفین کی جانب سے زبردست ردعمل ملا ہے۔
سلمان خان 90 کی دہائی سے بالی ووڈ میں اپنے فن کا لوہا منوارہے ہیں تاہم ابھی تک شادی نہ کرنے کی وجہ سے اکثر سوشل میڈیا پر ان کی شادی کے حوالے سے افواہیں گرم رہی رہتی ہیں تاہم ممکنہ طور پر یہ پوز ٹائیگر تھری کی پروموشن کا حصہ ہے۔