جس نے میرے ساتھ غلط کیا، اللہ اس کو تڑپا تڑپا کر موت دے ۔۔ علیزے سحر وائرل ویڈیو کے بعد پہلی مرتبہ حقیقت سے پردہ اٹھاتے ہوئے رو پڑیں

معروف یوٹیوبر علیزے سحر کی خودکشی کے خبروں اور وائرل ویڈیو کے بعد پہلی مرتبہ سامنے آئیں اور انہوں نے خود سے متعلق ہر خبر کا جواب دیتے ہوئے کہا کہ میں بزدل نہیں ہوں جو برے وقت میں اپنے آپ کو چھپا کر بیٹھ جاؤں یا خودکشی جیسا جرم کروں، جس نے میرے ساتھ برا کیا اللہ اس کے ساتھ بھی برا کرے گا، اللہ اس کو تڑپا تڑپا کر موت دے۔ جس نے میری نازیباں ویڈیو لیک کی وہ کون ہے مجھے پتہ ہے اور میں بھی اب اس کے ساتھ اچھا نہیں کروں گی، اس نے میرا برا کیا ہے وقت اس کے ساتھ بھی برا کرے گا۔

اس انسان کے متعلق بات کرتے ہوئے علیزے نے کہا کہ وہ اوکاڑہ کا آدمی ہے اور اس وقت وہ قطر میں رہتا ہے اور اس نے وہاں سے میری ویڈیو بنا کر شیئر کی ہے۔ میں نے جس طرح خود کو سنبھالا ہے وہ میں جانتی ہوں، میں نے کوئی غلط کام نہیں کیا۔