بھارت میں میچ کے دوران باؤلنگ کراتے ہوئے کھلاڑی کو دل کا دورہ پڑ گیا جس سے اس کی موقع پر موت ہو گئی۔
بھارتی میڈیا کے مطابق بھارتی ریاست مدھیا پردیش کے ضلع کھرگون کے گاؤں میں بائیس سالہ اندل سنگھ کو یادیو میچ کے دوران دل کا دورہ پڑا جس سے وہ جانبر نہ ہو سکا۔
ڈیوڈ وارنر کا ون ڈے کرکٹ سے بھی ریٹائرمنٹ کا اعلان
باؤلنگ کراتے ہوئے اندل سنگھ کو بے چینی محسوس ہوئی اور وہ بے ہوش ہو کر گر پڑا، اسے فوری طور پر اسپتال پہنچایا گیا لیکن ڈاکٹروں نے معائنہ کے بعد بتایا کہ اس کی موقع پر ہی موت ہو گئی تھی۔
بھارتی میڈیا کے مطابق اسپتال پہنچانے والے کرکٹر کے ساتھیوں کا کہنا تھا کہ میچ کے دوران اس نے سینے میں درد کا بتایا تھا لیکن اس کے باوجود وہ میچ کھیلنے میں مصروف ہوگیا، اس نے باؤلنگ سے قبل بیٹنگ میں 70 رنز بھی اسکور کئے تھے۔