برازیل کے بطور کھلاڑی اور پھر کوچ کی حیثیت سے پانچ بار ورلڈ کپ کے فائنل میں پہنچنے اور چار بار ٹائٹل جیتنے والے لیجنڈری فٹبالر ماریوز گالو کا 92 سال کی عمر میں انتقال ہو گیا۔
غیر ملکی میڈیا رپورٹس کے مطابق گالو ایک کھلاڑی اور مینجر دونوں کی حیثیت سے ورلڈ کپ جیتنے والے پہلے شخص تھے اور برازیل کے بہت سے فٹبال شائقین کے لیے آئیڈیل تھے۔برازیل کے کلب فیڈریشن کے صدر ایڈنلڈ وروڈ ریکس نے اپنے ایک بیان میں زگالو کی موت کی تصدیق کرتے ہوئے کہا کہ وہ فٹبال کے سب سے بڑے لیجنڈ ز میں سے ایک تھے۔
سابق وزیر خزانہ سرتاج عزیز انتقال کر گئے
ایڈنلڈ وروڈ ریکس کا کہنا تھا کہ ہم اپنے عظیم ہیرو کی رخصتی کے لیے غم کے اس لمحے میں ان کے خاندان کے افراد اور مداحوں سے کجہتی کا اظہار کرتے ہیں۔
زگالو برازیلین فٹبال کی سب سے زیادہ کرشماتی شخصیات میں سے ایک تھے۔ انہوں نے 1958 اور 1962 میں ورلڈ کپ جیتنے والی فاتح ٹیم میں بطور فارورڈ نمائندگی کی اور 1965 میں پروفیشنل کھیل چھوڑ دیا تھا۔