نیوزی لینڈ کرکٹ ٹیم کے کپتان کین ولیمسن نے کہا ہے کہ ہم جانتے ہیں کہ پاکستانی ٹیم کتنی مضبوط حریف ہے۔
پریس کانفرنس کرتے ہوئے نیوزی لینڈ کے کپتان کا کہنا تھا کہ پاکستان دنیا کی ایک بہترین ٹیم ہے، پاکستان کے خلاف کھیلنا ایک شاندار موقع ہوتا ہے۔
ان کا کہنا تھا کہ پاکستان کے ساتھ ایک اور شاندار مقابلہ ہوگا، گزشتہ برس ورلڈ کپ سے قبل نیوزی لینڈ میں سہ فریقی سیریز پاکستان نے جیتی تھی جس میں پاکستان ٹیم نے اچھا مقابلہ کیا تھا۔
مجھے نہیں لگتا بابر کی فارم خراب چل رہی ہے، شاہین آفریدی
کین ولیمسن کا کہنا تھا کہ کھلاڑیوں کے لیے یہ سیریز ایک اچھا موقع ثابت ہوگی۔ یاد رہے کہ پاکستان اور نیوزی لینڈ کے درمیان پہلا ٹی ٹوئنٹی میچ آج کھیلا جائے گا۔
پاکستان اور نیوزی لینڈ کے درمیان سیریز کا دوسرا میچ اتوار، تیسرا 17، چوتھا 19 اور آخری میچ 21 جنوری کو شیڈول ہے۔