قومی کرکٹ ٹیم کے سابق فاسٹ باؤلر شعیب اختر نے سعودی شہزادے کو اپنی ورلڈ کپ کی جرسی تحفے میں دے دی۔
پاکستان کے سابق فاسٹ باؤلر شعیب اختر نے سعودی کرکٹ فیڈریشن کے چیئرمین شہزادہ سعود بن مشعل سے ملاقات کی۔ شعیب اختر نے ملاقات میں اپنی 2003 کے ورلڈ کپ کی جرسی سعودی شہزادے کو تحفے میں دے دی۔
سابق فاسٹ باؤلر شعیب اختر نے سماجی رابطے کی وائٹ ایکس پر سعودی شہزادے سے ملاقات اور جرسی دینے کی تصاویر شیئر کرتے ہوئے لکھا کہ شہزادہ سعود بن مشعل سے ملاقات میرے لیے اعزاز کی بات ہے۔
انہوں نے لکھا کہ میں نے سعودی شہزادے سعود بن مشعل کو جنوبی افریقہ میں کھیلے گئے ورلڈ کپ 2003 ورلڈ کپ کی اصل جرسی تحفہ دی ہے۔
یہ بھی پڑھیں: حسن علی نے میدان میں دلچسپ حرکتوں کی وجہ بتا دی
شعیب اختر نے کہا کہ شہزادہ سعود بن مشعل کے وژن کی بدولت آئندہ سالوں میں سعودی عرب میں جگہ جگہ کرکٹ نظر آئے گی۔
It was an honor meeting His Excellency Prince @saudmishal . With his vision, cricket in Saudi Arabia will go places in years to come.
I presented him my original jersey from World Cup 2003 played in South Africa. pic.twitter.com/m2hHf9aeqH
— Shoaib Akhtar (@shoaib100mph) January 16, 2024