پاکستان سپرلیگ کی فرنچائز ملتان سلطانز نے اپنے سپن باؤلنگ کوچ ثقلین مشتاق کو نوکری سے فارغ کر دیا۔
ثقلین مشتاق گزشتہ سال اکتوبر میں ہی ٹیم کے سپن باؤلنگ کوچ مقرر ہوئے تھے، اب ان کی جگہ انگلینڈ کرکٹ بورڈ کے پرفارمنس ڈائریکٹر ڈیوڈ پارسنز ملتان سلطانز کے سپن کوچ کا عہدہ سنبھالیں گے۔
بابر کی کارکردگی تینوں میچز میں بہترین رہی، فِنش نہیں کرپایا، شاہین آفریدی
شیڈولنگ تنازعات کی وجہ سے ثقلین مشتاق عہدے سے دستبردار ہوئے،ان کی جگہ آنے والے ڈیوڈ پارسنز 2005سے 2007تک انگلش ٹیم کے سپن باؤلنگ کوچ رہ چکے ہیں اور اس وقت وہ ٹیم کے پرفارمنس ڈائریکٹر کے عہدے پر ہیں۔
وہ اس سے پہلے بھی پاکستان میں کام کر چکے ہیں، وہ ملتان سلطانز اکیڈمی میں ایک ہفتے رہے اور نوجوان سپنرز کے ایک گروپ کی نگرانی کی۔
ملتان سلطانز کی طرف سے اپنے آفیشل ایکس اکاؤنٹ پر ایک پوسٹ کے ذریعے ڈیوڈ پارسنز کو ٹیم کا سپن باؤلنگ کوچ بننے پر خوش آمدید کہا گیا ہے۔