کرکٹر شعیب ملک اور اداکارہ ثناء جاوید کی شادی کے بعد احمد علی بٹ نے عمیر جیسوال کے حق میں پوسٹ کرتے ہوئے کہا ہےکہ میرے دوست تم ایک شیر اور سونے کا دل رکھنے والے شریف انسان ہو، مصیبت کے وقت میں انسان کو ہمت کی ضرورت ہوتی ہے۔
احمد علی بٹ نے عمیر جیسوال کیلئے نیک خواہشات کا اظہار کرتے ہوئے مزید لکھا کہ ہم سب کے پاس اپنے اپنے مسائل ہیں لیکن اہم ہے کہ ہم ان مسائل سے کیا سیکھتے اور کیسے آگے بڑھتے ہیں۔آگے بڑھتے رہیں بھائی اللہ آپ کو اور آپ کے گھر والوں کو سلامت رکھے۔
واضح رہے کہ گلوکار عمیر جیسوال کی سابقہ اہلیہ ثناء جاوید نے کرکٹر شعیب ملک سے دوسری شادی کرلی ہے جس کے بعد شعیب اور ثناء کو مبارکباد کے ساتھ ساتھ عمیر جیسوال اور ثانیہ مرزا سے یکجہتی کا اظہار بھی جاری ہے۔
سوشل میڈیا صارفین نے بھارتی سپر اسٹار ثانیہ مرزا کو مشکل وقت کا بہادری سے مقابلہ کرنے پر بھرپور تعریف کی ہے جبکہ ثناء جاوید کے سابق شوہر عمیر جیسوال کی حوصلہ افزائی کیلئے بھی پوسٹ کی جارہی ہیں۔