اسلام آباد (ابوبکر خان ، ہم انویسٹی گیشن ٹیم )نگران وفاقی حکومت نے پاکستان کرکٹ بورڈ (پی سی بی) کو کابینہ ڈویژن منتقل کرنے کا نوٹیفکیشن جاری کر دیا۔
جاری نوٹیفکیشن کے مطابق نگران حکومت کی طرف سے پاکستان کرکٹ بورڈ سے متعلق بڑا فیصلہ سامنے آیا ہے جس کے تحت حکومت نے پی سی بی کو وزارت بین الصوبائی رابطہ سے کابینہ ڈویژن منتقل کردیا ہے۔ اب پاکستان کرکٹ بورڈ کابینہ ڈویژن کے ماتحت ہو گا۔
آزاد حیثیت سے الیکشن جیتنے والے مزید دو ارکان ن لیگ میں شامل ہو گئے
فیصلے کے بعد پی سی بی کا انتظامی کنٹرول اب براہ راست وزیراعظم آفس کے ماتحت کام کرے گااور پاکستان کرکٹ بورڈ اب وزارت کو جوابدہ نہیں ہے۔
نوٹیفکیشن کے مطابق سیکریٹری آئی پی سی بھی بورڈ آف گورنرز کے رکن نہیں رہیں گے، اس سلسلے میں وزیراعظم کی منظوری کے بعد کابینہ ڈویژن نے نوٹیفکیشن جاری کردیا ہے۔