سائنسدانوں کی جانب سے ایک ایسی پرتعیش آبدوز تیار کی جا رہی ہے جو سات دن تک سمندر کی گہرائی میں رہ سکے گی جس پر جلد کام شروع ہونے کا امکان ہے۔
امریکا کے ایک ڈیزائنر انے مچھلی کی شکل کی ایک پُر تعیش آبدوز کا پلان تیار کیا ہے جو سات دن تک سطح پر آئے بغیر 328 فٹ کی گہرائی تک جانے کی صلاحیت رکھتی ہے۔
ڈیزائنر کی ڈیپ سی ڈریمر نامی اس آبدوز میں ایک ہال موجود ہے جس میں بیٹھ کر مسافر زیر سمندر مناظر کو دیکھ سکیں گے۔
328 فٹ کی گہرائی تک جانے والی آبدوز ڈیپ سی ڈریمر گہرے سمندر میں 160 کلومیٹر فی گھنٹہ کی رفتار سے سفر کرنے کی صلاحیت رکھتی ہے اور اس مقصد کے لیے اس یاٹ میں ایک خاموش برقی موٹر بھی نصب کی گئی ہے جس کے باعث سمندر میں رہنے والی مخلوق متاثر نہیں ہوگی۔
اندر لگی بیٹریوں کے سبب یہ آبدوز سات دن تک زیر سمندر ساکت رہنے کی صلاحیت بھی رکھتی ہے۔
یاٹ میں سمندر کے نیچے موجود دنیا کا مشاہدہ کرنے کے لیے ایک بڑا مشاہداتی ببل نصب کیا گیا ہے جس میں آرم دہ کرسیاں موجود ہیں۔
پیش کی جانے والی خیالی تصاویر میں دیکھا جا سکتا ہے کہ یاٹ میں ایک بڑا پیانو بھی موجود ہے جو مسافروں کو سفر کے دوران انٹرٹین کرسکے گا۔