چہل قدمی بھی ایک ورزش ہے جو خاموشی سے آپ کا فائدہ کر رہی ہوتی ہے۔ روزانہ کی بنیاد پر 15 ہزار قدم چلنا صحت کو بہتر بنانے، زندگی کا دورانیہ طویل کرنے سمیت صحت پر متعدد فوائد کا حامل ہو سکتا ہے۔

چہل قدمی کے بہت سارے فائدے ہیں جیسے یہ دل کو مضبوط اور صحت مند بناتی ہے، وزن کو برقرار رکھتی ہے، پٹھوں اور ہڈیوں کو مضبوط کرتی ہے، موڈ کو بہتر بناتی ہے۔ اور دیگر صحت کے عوامل کے لیے مفید ہے۔

روزانہ 15,000 قدم چلنا بہت سے لوگوں کے لیے طویل عمر تک فائدہ مند سرگرمی ثابت ہو سکتی ہے جس کے کچھ فوائد درج ذیل ہیں۔

دل کی صحت

روزانہ چند منٹ کی چہل قدمی دل کو مضبوط کرتی ہے، بلڈ پریشر کو کم کرتی ہے اور خون گردش کو بہتر بناتی ہے جس کے باعث قلب کی بیماری اور فالج کا خطرہ کم ہوتا ہے۔

متوازن وزن

چہل قدمی سے کیلوریز جلتی ہیں، اور وزن میں کمی واقع ہوتی ہے۔جس سے بہت سی بیماریوں جیسے ذیابطیس اور کینسر کا خطرہ کم ہوجاتا ہے۔

سانس پھولنے کی شکایت میں کمی

باقاعدگی سے چہل قدمی کرنے سے پھیپھڑوں کی صلاحیت اور افعال بہتر ہوتے ہیں، سانس کی نالی کی صحت کو فروغ ملتا ہے، یہ عادت عمر کو طویل کر سکتی ہے۔

پٹھے اور ہڈیاں مضبوط

چہل قدمی ایک ایسی آسان ورزش ہے جو ہڈیوں اور پٹھوں کی مضبوطی کو برقرار رکھنے میں مدد کرتی ہے، اس سے عمر میں اضافے سمیت آسٹیوپوروسس اور ہڈیوں کی کمزوری کا خطرہ کم ہوتا ہے۔

بہتر ذہنی صحت

جسمانی سرگرمی ہارمون اینڈورفنز جاری کرتی ہے، یہی وجہ ہے کہ چہل قدمی تناؤ، اضطراب اور افسردگی کو کم کرتی ہے۔

بہتر مدافعتی نظام

باقاعدگی سے اعتدال پسند ورزش جیسے کہ چہل قدمی ایک صحت مند مدافعتی نظام کو سہارا دیتی ہے، انفیکشن اور بیماریوں کے خطرے کو کم کرتی ہے۔

پرسکون نیند کی گارنٹی

باقاعدگی سے جسمانی سرگرمی نیند کی روٹین کو منظم کرنے میں مدد کر سکتی ہے، گہری اور زیادہ پرسکون نیند کو فروغ دیتی ہے جو مجموعی صحت اور لمبی عمر کے لیے بہت ضروری ہے۔

لمبی عمر کی ضمانت

تحقیق سے پتہ چلتا ہے کہ باقاعدگی سے جسمانی سرگرمی، بشمول چہل قدمی طویل عمر کے ساتھ منسلک ہے، روزانہ 15,000 قدم چلنا مجموعی صحت کو بہتر بنانے اور قبل از وقت موت کے خطرے کو کم کرکے اس میں اہم کردار ادا کرتی ہے۔

روزانہ 15 ہزار قدم چلنے کے لیے خود کو اس کا عادی کیسے بنایا جائے؟

اگر پیدل چلنے کے عادی نہیں ہیں تو یہ ضروری ہے کہ اس معمول کو آہستہ آہستہ اپنانا شروع کریں اور وقت کے ساتھ ساتھ اپنے قدموں کی گنتی میں اضافہ کرتے جائیں۔