آرمی چیف جنرل سید عاصم منیر کاایرانی مسلح افواج کے چیف آف جنرل اسٹاف میجر جنرل محمد باقری سے ٹیلی فونک رابطہ،، افسوسناک ہیلی کاپٹر حادثے پراظہار افسوس کیا، آئی ایس پی آر

image

راولپنڈی۔26مئی (اے پی پی):آرمی چیف جنرل سید عاصم منیر نے ایرانی مسلح افواج کے چیف آف جنرل اسٹاف میجر جنرل محمد باقری سے ٹیلی فونک رابطہ کیا اور 19 مئی کو ہیلی کاپٹر حادثے کے افسوسناک واقعے پر گہرے دکھ اور افسوس کا اظہار کیا جس میں ایرانی صدر سید ابراہیم رئیسی، وزیر خارجہ عامر عبد اللہیان اور دیگر اہم حکام جاں بحق ہو گئے۔

پاک فوج کے شعبہ تعلقات عامہ (آئی ایس پی آر)کی جانب سے جاری بیان میں کہا گیا ہے کہ آرمی چیف نے افسوس کا اظہار کرتے ہوئے کہا کہ مرحوم صدر سید ابراہیم رئیسی اور مرحوم وزیر خارجہ عامر عبد اللہیان غیر معمولی رہنما اور پاکستان کے سچے دوست تھے۔ آرمی چیف نے زور دیا کہ دونوں رہنمائوں اور دیگر کی وفات واقعی افسوسناک اور ناقابل تلافی نقصان ہے۔ آرمی چیف نے پاک فوج کے تمام رینکس کی جانب سے مرحومین کی مغفرت کے لیے دعا کی اور سوگوار خاندانوں کے لیے نیک خواہشات کا اظہار کیا۔

آرمی چیف نے کہا کہ پاکستان کے ایران کے ساتھ تاریخی، ثقافتی اور برادرانہ تعلقات ہیں اور پاکستان اور ایران کی مسلح افواج ہمیشہ ایک ساتھ کھڑی رہی ہیں۔ جنرل باقری نے دکھ میں شریک ہونے پر آرمی چیف کا شکریہ ادا کیا اور دونوں افواج کے درمیان تعاون جاری رکھنے کے عزم کا اظہار کیا۔


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.