اسلام آباد۔27مئی (اے پی پی):اسلام آباد میں مارگلہ ہلز کے ٹریل فائیو پر لاپتہ طحہ نامی نوجوان کی لاش کو پوسٹ مارٹم کے لئے پولیس کے حوالے کر دیا گیا ، ریسکیو آپریشن 14 گھنٹے جاری رہا۔
ترجمان وائلڈ لائف مینجمنٹ بورڈ کے مطابق ریسکیو سرگرمیوں میں محکمہ وائلڈ لائف، پولیس ، ریسکیو 1122 سمیت دیگر اداروں نے حصہ لیا۔ ترجمان نے کہا کہ وائلڈ لائف کے اہلکاروں نے ریسکیو آپریشن کے دوران لاش کی شناخت کی۔ لاش کی شناخت پر مقامی پولیس کو آگاہ کیا گیا اور جگہ کی نشاندی کرائی گئی۔ ترجمان کے مطابق ٹریل فائیو پیر کے روز سیاحوں کے لئے بند رہا۔