لندن۔30مئی (اے پی پی):انگلینڈ اینڈ ویلز کرکٹ بورڈ کے زیر اہتمام رواں برس جاری وائٹیلٹی ٹی 20 کرکٹ ٹورنامنٹ میں (کل)جمعہ کو مزید 8 میچ کھیلے جائیں گے۔ پہلا میچ ورسیسٹر شائر اور لنکاشائر کی ٹیموں کے درمیان کھیلا جائے گا،دوسرے میچ میں گلیمورگن اور سرے کی ٹیمیں آمنے سامنے ہوں گی،تیسرا میچ لیسٹر شائر اور یارکشائر کی ٹیموں کے درمیان کھیلا جائے گا،چوتھے میچ میں ناٹنگھم شائر اور نارتھمپٹن شائر کی ٹیمیں نبرد آزما ہوں گی،پانچویں میچ میں ڈرہم اور واروکشائرکی ٹیمیں پنجہ آزمائی کریں گی،چھٹے میچ میں سمرسیٹ اور ایسیکس کی ٹیمیں ایکشن میں ہوں گی،ساتواں میچ سسیکس اور گلوسٹر شائر کی ٹیموں کے درمیان کھیلا جائے گا جبکہ کل جمعہ کا آٹھواں اور آخری میچ مڈل سیکس اور کینٹ کی ٹیموں کے درمیان کھیلا جائے گا۔ٹورنامنٹ میں 18 ٹیمیں ٹائٹل کے حصول کے لئے نبرد آزما ہیں ۔سمرسیٹ کی ٹیم ایونٹ میں اپنے اعزاز کا دفاع کے لئے کوشاں ہے۔ ایونٹ کا کوارٹر فائنل مرحلہ3ستمبر سے شروع ہوگا جبکہ دونوں سیمی فائنلز اور فائنل میچ 14ستمبر کو برمنگھم میں کھیلے جائیں گے۔