سنگاپور۔30مئی (اے پی پی):بھارتی مایہ ناز شٹلرس پسرلا وینکٹا سندھو سنگا پور سپر 750بیڈ منٹن ٹورنامنٹ میں خواتین کے سنگلز مقابلوں کے دوسرے رائونڈ میں ہار کر ایونٹ سے باہر ہوگئیں۔ 30 سالہ ہسپانوی بیڈمنٹن سٹار کیرولینا ماریا مارین مارٹن نے پسرلا وینکٹا سندھو کو ویمنز سنگلزکے دوسرے رائونڈ میچ میں شکست دی۔ سنگا پور سپر 750بیڈ منٹن ٹورنامنٹ کے کانٹے دار مقابلے سنگاپور میں جاری ہیں۔
خواتین کے سنگلز مقابلوں کے دوسرے رائونڈ میچ میں ہسپانوی بیڈمنٹن سٹار کیرولینا ماریا مارین مارٹن نے عمدہ کھیل پیش کرتے ہوئے حریف 27 سالہ بھارتی بیڈ منٹن سٹار پسرلا وینکٹا سندھو کو 1-2 سیٹس سے شکست دی اور ٹورنامنٹ کے کوارٹر فائنل رائونڈ میں اپنی جگہ پکی کرلی ۔ ہسپانوی بیڈمنٹن سٹار کیرولینا ماریا مارین مارٹن کی فتح کا سکور 21-13، 11-21 اور 20-22 تھا۔ ہسپانوی بیڈمنٹن سٹار کیرولینا ماریا مارین مارٹن کا کوارٹر فائنل رائونڈ میں مقابلہ تھائی لینڈ کی بیڈمنٹن سٹار پورن پاوی چوچوونگ سے ہوگا۔