پیرس۔30مئی (اے پی پی):پولینڈ کی نامور ٹینس سٹار ،عالمی نمبر ون،دفاعی چیمپئن اور ایونٹ کی ٹاپ سیڈڈ آئیگا نتالیہ سویٹیک ،امریکا کی ٹینس سٹار کوکوگف،امریکا کی ہی سوفیہ کینن اور تیونس کی اونس جبیر فرنچ اوپن ٹینس کے خواتین کے سنگلز مقابلوں کے تیسرے رائونڈ میں جگہ بنالی جبکہ جاپانی کی نامور ٹینس کھلاڑی نائومی اوساکا اور فرانس کی ٹینس کھلاڑی کیرولین گارشیا میگا ایونٹ کے دوسرے رائونڈ میں ہار کر سے باہر ہوگئیں۔ سال کے دوسرے گرینڈ سلام فرنچ اوپن کے دلچسپ مقابلوں کا سلسلہ فرانس کے دارلحکومت پیرس میں جاری ہے،
جس میں شائقین ٹینس کو انتہائی دلچسپ اور کانٹے دار مقابلے دیکھنے کو مل رہے ہیں۔ میگا ایونٹ کے ویمن سنگلز مقابلوں کے دوسرے رائونڈ میں پولینڈ کی نامور ٹینس سٹار ،عالمی نمبر ون،دفاعی چیمپئن اور ایونٹ کی ٹاپ سیڈڈ آئیگا نتالیہ سویٹیک نے عمدہ کھیل پیش کرتے ہوئے جاپان کی حریف کھلاڑی نائومی اوساکا کو 6-7(1-7)،6-1 اور 5-7 سے شکست دے کر میگا ایونٹ کے تیسرے رائونڈ میں جگہ بنائی، امریکا کی ٹینس سٹار کوکوگف نے بھی دوسری رکاوٹ عبور کر لی ، انہوں نے شاندار کارکردگی کا مظاہرہ کرتے ہوئے سلووینیا کی حریف کھلاڑی تمارا زیڈانسک کو سٹریٹ سیٹس میں 3-6 اور 4-6 سے ہرا کر ایونٹ سے باہر کر دیا۔ دوسرے رائونڈ کے دیگرے کھیلے گئے میچز میں امریکا کی ٹینس کھلاڑی سوفیہ کینن اور تیونس کی اونس جبیر نے کامیابی حاصل کر کے تیسرے رائونڈ کے لئے کوالیفائی کرلیا۔\