اسلام آباد۔31مئی (اے پی پی):ملک میں ضروری اشیاء کی قیمتوں میں ہفتہ وار بنیادوں پر 0.11 فیصد کا معمولی اضافہ ریکارڈ کیا گیا ہے۔ پاکستان بیوروبرائے شماریات کی جانب سے قیمتوں کے حساس اشاریہ بارے ہفتہ واررپورٹ (ایس پی آئی) کے مطابق30 مئی کو ختم ہونے والے ہفتہ میں ملک میں روزمرہ استعمال کی 14 اشیاء کی قیمتوں میں کمی اور 23 کی قیمتوں میں استحکام رہا۔ اس کے برعکس 14 اشیاء کی قیمتوں میں اضافہ دیکھنے میں آیا۔
گزشتہ ہفتہ کے دوران انڈوں کی قیمت میں 6.14 فیصد، سرخ مرچ پائوڈر 5.73 فیصد، ایل پی جی 5.40 فیصد، اری چاول 2.93فیصد،آٹا 1.89 فیصد، ٹوٹا باسمتی چاول 1.49فیصد، دال مونگ 0.51 فیصد، جلانے کی لکڑی 0.51 فیصد اور سرسوں کے تیل کی قیمت میں 0.20 فیصد کا اضافہ ہوا۔ اس کے برعکس ٹماٹرکی قیمت میں 11.25 فیصد، پیاز3.62 فیصد، دال ماش 2 فیصد، کیلا 1.78 فیصد، آلو1.23 فیصد، دہی 1.17 فیصد، دال چنا 1.04 فیصد، تازہ دودھ 0.56 فیصد، سگریٹ 0.52فیصد، انرجی سیور 0.41 فیصد اور جارجٹ کی قیمت میں 0.09 فیصد کا اضافہ ہوا۔سب سے کم یعنی 17732 روپے ماہوار آمدنی رکھنے والے گروپ کیلئے قیمتوں کے حساس اشاریہ میں ہفتہ وار بنیادوں پر 0.09 فیصد کا اضافہ ہوا ہے، 17733 روپے سے لیکر 22888 روپے، 22889 روپے سے لیکر 29517 روپے، 29518 روپے سے لیکر 44175 روپے اور اس سے زیادہ ماہوار آمدنی رکھنے والے گروپوں کیلئے قیمتوں کے حساس اشاریہ میں بالترتیب 0.12 فیصد، 0.12 فیصد، 0.15 فیصد اور 0.08 فیصد کا اضافہ ہوا ہے۔ایس پی آئی میں سالانہ بنیادوں پر اضافہ کی شرح 21.40 فیصد ریکارڈ کی گئی۔ صارفین کیلئے قیمتوں کے حساس اشاریہ کا تعین ملک کے 17 بڑے شہروں کی 50 مارکیٹوں میں 51 ضروری اشیاء کی قیمتوں میں کمی بیشی کی بنیاد پر کیا جاتا ہے۔