پیرس۔3جون (اے پی پی):امریکی ٹینس سٹار راجیو رام اور ان کے برطانوی جوڑی دار جو سیلسبری فرنچ اوپن ٹینس ٹورنامنٹ کے مینز ڈبلز مقابلوں کے تیسرے رائونڈ میں پہنچ گئے ۔انہوں نے مردوں کے ڈبلز مقابلوں کے دوسرے رائونڈ میں ایکواڈور کے ٹینس کھلاڑی گونزالو ایسکوباراور ان کے قزاخستان کے جوڑی دار الیگزینڈر نیڈووییسوف کو شکست دی۔ سال کے دوسرا گرینڈ سلام فرنچ اوپن ٹینس ٹورنامنٹ کے دلچسپ اور کانٹے دار مقابلوں کا سلسلہ فرانس کے دارلحکومت پیرس میں جاری ہے ۔
مینز ڈبلز مقابلوں کے ابتدائی رائونڈ میں امریکی ٹینس سٹار راجیو رام اور ان کے برطانوی جوڑی دار جو سیلسبری نے شاندار کارکردگی کا مظاہرہ کرتے ہوئے ایکواڈور کے ٹینس کھلاڑی گونزالو ایسکوباراور ان کے قزاخستان کے جوڑی دار الیگزینڈر نیڈووییسوف کو سٹریٹ سیٹس میں 4-6 اور 4-6 سے شکست دے کر میگا ایونٹ کے تیسرے رائونڈ کے لئے کوالیفائی کرلیا، جہاں ان کا مقابلہ گریگوئیرباریری اور ان کے ہم وطن جوڑی دار لوکاس پاؤلی پر مشتمل فرانسیسی جوڑی سے ہوگا۔