جمیکا۔5جون (اے پی پی):کرکٹ ویسٹ انڈیز (سی ڈبلیو آئی )نے رواں سال جولائی میں انگلینڈ کے خلاف شیڈول تین ٹیسٹ میچوں کی سیریز کے لئے 15 رکنی سکواڈ کا اعلان کر دیاہے۔انگلینڈ کے ٹیسٹ سیریز کے لئے اوپننگ بلے باز میکائل لوئس کو ٹیم میں طلب کیا گیا ہے ۔
انگلینڈ کے خلاف تین ٹیسٹ میچوں کی سیریز میں ویسٹ انڈیز ٹیم کو کریگ براتھویٹ لیڈ کریں گے اور الزاری جوزف ان کے نائب ہوں گے۔مایہ ناز آل رائونڈر جیسن ہولڈر اور جیڈن سیلزکو بھی 15 رکنی سکواڈ میں طلب کیا گیا ہے۔جیڈن سیلز انجری کے باعث آسٹریلیا کے خلاف آخری سیریز نہیں کھیل سکے تھے۔ 23 سالہ میکائل لوئس ماضی میں انڈر 19 ٹیم کے لیے کھیلے تھے ، ان کو اپنے پہلے فرسٹ کلاس سیزن میں عمدہ کارکردگی کی بنیاد پر منتخب کیا گیا ہے۔انگلینڈ کے خلاف رواں سال جولائی میں شیڈول تین ٹیسٹ میچوں کی سیریز کے لئے 15 رکنی ویسٹ انڈین ٹیم کریگ براتھویٹ (کپتان)، الزاری جوزف (نائب کپتان)، ایلک ایتھانازے، جوشوا ڈا سلوا، جیسن ہولڈر، کیویم ہوج، ٹیوین املاچ، شمر جوزف، میکائل لوئس، زچری میک کاسکی، کرک میک کینزی، گڈاکیش موتی،کیماروئچ ، جیڈن سیلز اور کیون سنکلیئر پر مشتمل ہے۔ ویسٹ انڈیز اور انگلینڈ کی ٹیموں کے درمیان تین ٹیسٹ میچوں کی رچرڈز بوتھم ٹرافی سیریز کا آغاز 10 جولائی کو پہلے ٹیسٹ میچ سے ہوگا جو لارڈز ، لندن میں کھیلا جائے گا۔دوسرا ٹیسٹ میچ 18 سے 22 جولائی تک نوٹنگھم میں کھیلا جائے گا جبکہ تیسرا اور آخری ٹیسٹ میچ 26 سے 30 جولائی تک برمنگھم میں کھیلا جائے گا