پیرس۔5جون (اے پی پی):امریکا کی نامور ٹینس سٹار کوکو گف اور ان کی جمہوریہ چیک کی جوڑی دار کیٹرینا سینیاکووا پر مشتمل ففتھ سیڈڈ جوڑی فرنچ اوپن ٹینس ٹورنامنٹ کے ویمنز ڈبلز مقابلوں کے کوارٹر فائنل رائونڈ میں پہنچ گئی ۔ امریکا کی کوکو گف اور ان کی جمہوریہ چیک کی کیٹرینا سینیاکووا نے خواتین کے ڈبلز مقابلوں کے تیسرے رائونڈ میں جاپان کی ٹینس سٹار اینا شیبہارا اور ان کی چین کی جوڑی دار وانگ ژینیو کو0-2 سیٹس سے شکست دی۔ سال کے دوسرا گرینڈ سلام فرنچ اوپن ٹینس ٹورنامنٹ کے دلچسپ اور کانٹے دار مقابلوں کا سلسلہ فرانس کے دارلحکومت پیرس میں جاری ہے ۔ ویمنز ڈبلز مقابلوں کے تیسرے رائونڈ میچ میں امریکا کی نامور ٹینس سٹار کوکو گف اور ان کی جمہوریہ چیک کی جوڑی دار کیٹرینا سینیاکووا پر مشتمل ففتھ سیڈڈ جوڑی نے شاندار کارکردگی کا مظاہرہ کرتے ہوئے حریف جاپان کی ٹینس سٹار اینا شیبہارا اور ان کی چین کی جوڑی دار وانگ ژینیو کو شکست دے کر میگا ایونٹ کے ویمنز ڈبلز کوارٹر فائنل رائونڈ کے لئے کوالیفائی کرلیا۔ امریکا کی نامور ٹینس سٹار کوکو گف اور ان کی جمہوریہ چیک کی جوڑی دار کیٹرینا سینیاکووا پر مشتمل ففتھ سیڈڈ جوڑی کی فتح کا سکور 4-6 اور 4-6تھا