اسلام آباد۔12جون (اے پی پی):قومی اسمبلی میں آئندہ مالی سال کے وفاقی بجٹ کی تقریر کے دوران سنی اتحاد کونسل کے اراکین مسلسل شور شرابہ کرتے رہے۔
بدھ کو قومی اسمبلی میں بجٹ تقریر کے آغاز کے ساتھ ہی سنی اتحاد کونسل کے اراکین اپنی نشستوں پر کھڑے ہو گئے اور انہوں نے نعرے بازی کی تاہم اپوزیشن میں شامل دیگر جماعتوں نے اس احتجاج میں ان کا ساتھ نہیں دیا اور ان کے اراکین اپنی نشستوں پر بیٹھ کر وزیر خزانہ کی تقریر سنتے رہے۔