پاکستانی معروف گلوکار شفقت امانت علی نے چاہت فتح علی خان کو آڑھے ہاتھوں لیتے ہوئے کہا ہے کہ ان کی وجہ سے ہمارے گلوکاروں کی تذلیل ہورہی ہے۔
انہوں نے چاہت فتح علی خان کی مقبولیت اور اسٹار بنانے پر ناراضگی کا اظہار کیا۔ انہوں نے کہا کہ مجھے یہ دیکھ کر بہت دُکھ ہوا کہ ہمارے لوگوں نے چاہت فتح علی خان جیسے لوگوں کو وائرل کرکے موسیقی کا مذاق اُڑانا شروع کردیا ہے۔
شفقت امانت علی خان کا کہنا تھا کہ صرف چاہت فتح علی خان کی وجہ سے ہمارے گلوکاروں کی تذلیل ہورہی ہے۔
بہت سے لوگ انہیں (چاہت فتح) گلوکار کہہ کر پکارتے ہیں اور کہتے ہیں کہ انہوں نے اپنا نیا گانا ریلیز کیا ہے
انہوں نے درخواست کی کہ براہِ کرم غور سے دیکھیں، چاہت فتح علی آپ کے ملک کی موسیقی اور گلوکاروں ا مذاق اڑا رہا ہے۔
اس طرح کے لوگوں کو وائرل نہیں کریں۔ چاہت فتح علی خان کو اسٹار بنانے میں پاکستانیوں کا ہاتھ ہے۔
پاکستانی گلوکار نے کہا کہ اب ہمارے لوگ ایسا ہی فضول مواد دیکھنا پسند کرتے ہیں،
انہیں سستی تفریح کی ضرورت ہے۔ ہمارے لوگ حقیقی کے بجائے ایک عجیب اور مضحکہ خیز فنکار کی تعریف کرتے ہیں۔
انہوں نے مزید کہا کہ اس کے اثرات یہ مستقبل میں اپنے بچوں پر دیکھیں گے، اس وقت انہیں اپنی غلطی کا احساس ہوگا۔