پاکستان کے سب سے طویل القامت شخص ضیا رشید منگل کو وہاڑی میں 30 سال کی عمر میں طویل علالت کے بعد انتقال کر گئے۔
ضیا رشید کی نماز جنازہ میں سماجی و سیاسی شخصیات سمیت لوگوں کی بڑی تعداد نے شرکت کی۔15 سال کی عمر میں وہ پاکستان کے سب سے لمبے آدمی بن گئے تھے۔ تاہم، وہ طویل عرصے سے گھٹنوں سے متعلق بیماری میں مبتلا تھے۔
آئی ایم ایف کا 10 جولائی سے پہلے بجلی کی قیمتوں میں 5 روپے فی یونٹ اضافہ کرنے کا مطالبہ
پچھلے سال وہ سیڑھیوں سے نیچے چڑھتے ہوئے پھسل گئے جس سے ان کا درد مزید بڑھ گیا اور انہوں نے آج بیماری سے لڑتے ہوئے آخری سانس لی۔
دسمبر 2018 میں ایک انٹرویو میں ضیا رشید نے کہا تھا کہ وہ اپنی جسمانی فٹنس اور اپنے دفاع کو یقینی بنانے کے لیے تائیکوانڈو کی تربیت حاصل کر رہے ہیں۔
چیمپئنز ٹرافی میں بھارت کی شرکت کا معاملہ ،پی سی بی کو مثبت اشارے ملنے لگے
انہوں نے دعویٰ کیا تھا کہ اس کا قد آٹھ فٹ تین انچ ہے اور وہ دنیا کا دوسرا لمبا آدمی ہے۔ضیا رشید نے بتایا کہ اس نے میٹرک تک تعلیم حاصل کی ہے اور وہ اپنی تعلیم جاری رکھنا چاہتے ہیں لیکن مالی اور سفری مسائل کا سامنا ہے۔
انہوں نے حکومت سے مطالبہ کیا تھا کہ وہ بہتر زندگی گزارنے کے لیے ان کی مالی مدد کرے۔