سکیورٹی خدشات، اسلام آبادجلسے کا این او سی معطل:فیصلے کیخلاف ہائیکورٹ جائینگے، پی ٹی آئی

image

سکیورٹی خدشات کے باعث تحریک انصاف کے اسلام آباد جلسے کا این او سی معطل کردیا گیا۔

چیف کمشنر اسلام آباد کی زیر صدارت محرم الحرام اور دیگر سکیورٹی خدشات کی صورت حال کا جائزہ لینے کے لئے اعلیٰ سطح اجلاس منعقد ہوا۔اجلاس میں سیکورٹی اداروں کے افسران نے بھی شرکت کی،پی ٹی آئی  دعوت کے با وجود اجلاس میں شریک نہ ہوئی۔

ماہانہ فیول پرائس ایڈجسٹمنٹ،بجلی فی یونٹ 3 روپے 33 پیسے مہنگی کر دی گئی

اجلاس میں جلسے سے متعلق درخواستوں کو بھی جائزہ لیا گیا،ڈپٹی کمشنر کی طرف سے دی جانے والی اجازت کا موجودہ سکیورٹی خدشات کے تناظر میں از سر نو جائزہ لیا گیا۔

چیف کمشنر اسلام آباد نے درخواستوں، سکیورٹی کی موجودہ صورت حال، محرم الحرام کی آمد، سکیورٹی خدشات اور قانون نافذ کرنے والے اداروں کی سفارشات کی روشنی میں ڈپٹی کمشنر کی طرف سے جلسے کا این او سی معطل کرنے کا فیصلہ کیا۔

مون سون بارشوں کا حالیہ سلسلہ 7 جولائی تک جاری رہنے کا امکان ہے،این ڈی ایم اے

اسلام آباد انتظامیہ کا کہنا ہے جلسے کے این او سی کی معطلی کا فیصلہ شہریوں کے جان و مال کے تحفظ کے لئے کیا گیا ہے۔ اسلام اباد میں امن عامہ کو برقرار رکھنا اور شہریوں کے جان و مال کا تحفظ ہماری ترجیح ہے۔

دوسری جانب پاکستان تحریک انصاف نے ڈی سی اسلام آباد کی جانب سے جلسے کا نوٹیفکیشن معطل کرنے کا فیصلہ اسلام آباد ہائیکورٹ میں چیلنج کرنے کا اعلان کردیا۔

انسداد دہشت گردی کیلئے’’عزم استحکام‘‘اہم قدم قرار،بلا جواز تنقید پر اظہار تشویش

پی ٹی آئی رہنما شعیب شاہین کا کہنا تھا کہ ڈی سی اسلام آباد کے پاس ایسا کوئی اختیار نہیں ہے، اسلام آباد انتظامیہ کے فیصلے کے خلاف جمعے کو اسلام آباد ہائیکورٹ میں توہین عدالت کی درخواست دائر کریں گے ۔پاکستان تحریک انصاف ہفتے کو ہر صورت جلسہ کریگی۔


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.