گورنرسندھ کامران ٹیسوری نے بیرون ملک تعلیم کے خواہش مند طلبا کے لیے فری اسکالر شپس کا اعلان کر دیا۔ فری اسکالرشپ حاصل کرنیوالوں کیلئے گورنر ہاؤس میں سیل بنا دیا گیا۔
گورنر نے کہا کہ اسکالرشپ پروگرام میں سندھ کے طلبا حصہ لے سکتے ہیں میرٹ پر پورا اترنے والے کو اسکالرشپ پر بیرون ملک بھیجا جائے گا۔انہوں نے کہا کہ معاشی صورتحال کی وجہ سے ملک کمزور ہو گیا ہم قومیتوں، فرقوں، لسانیت میں تقسیم ہو چکے ہیں ہم معاشی حب میں رہتے ہیں لیکن سب سیزیادہ مسائل ہمارے ہیں اس معاشی حب میں نہ بجلی ہے، نہ پانی اورنہ ہی گیس، گورنرہاؤس کے دروازے سب کیلئے کھلے ہیں۔
پنجاب حکومت کی 500یونٹ تک بجلی استعمال کرنے والے صارفین کو سولر پینلز دینے کی منظوری
گورنر سندھ کا کہنا تھا کہ پہلے سیاسی جماعتوں کو ووٹ دیتے ہیں اس کے بعد انھیں برا بھلا کہ کر اگلے کا انتظار کرتے ہیں میں دعوی کرتا ہوں کہ میں نے گورنر ہاؤس میں نظام کو بدلا ہے، بیس مہینوں میں 22 لاکھ لوگ گورنر ہاؤس وزٹ کرچکے ہیں آج گورنر ہاؤس کے دروازے چوبیس گھنٹے کھلے ہوئے ہیں اس گورنر ہاؤس کی دیوار گرا کر وہاں سے آئی ٹی یونیورسٹی کا گیٹ تعمیر کرایا۔