آج کل ملک بھر میں بارشوں کا موسم عروج پر ہے. ایسے میں گھر سے باہر نکلتے ہوئے یا دفتر سے واپسی پر اچانک بارش شروع ہوجاتی ہے جس سے جیب میں پڑا موبائل بھیگ کر خراب ہوجاتا ہے. آج کے اس آرٹیکل میں ہم آپ کو اس مسئلے سے بچنے کی چند ترکیب بتائیں گے.
اگر اچانک بارش شروع ہوجائے تو چند پلاسٹک کی تھیلیوں کا انتظام کریں اور اپنے قیمتی موبائل کو اس میں ایک کے بعد ایک تھیلی کے اندر اچھی طرح لپیٹ لیں. محفوظ جگہ پہنچنے تک موبائل کو بار بار چیک نہ کریں ورنہ تھیلی پر موجود پانی موبائل میں چلا جائے گا.
بارش کے موسم میں واٹر پروف پاؤچ خرید لیے جائیں تو بہتر ہے تاکہ یہ ہمیشہ بارش کے وقت فون کی حفاظت کرسکیں.
موبائل پروٹیکٹ بھی لازمی لگوا لیں تاکہ پانی کی چند چھینٹیں پڑ بھی جائیں تو فون فوری متاثر نہ ہو.
موبائل فون کو ہمیشہ خشک ہاتھ سے استعمال کریں.
اگر فون میں بارش کا پانی چلا جائے تو اسے ہلکے ہاتھوں سے کپڑے سے صاف کریں اور پنکھا چلا کر خشک کرلیں. گیلے فون کو چارج ہر گز نہ کریں ورنہ یہ جل بھی سکتا ہے.