پاکستان کرکٹ ٹیم کے فاسٹ بولر شاہین شاہ آفریدی نے دنیا کی سب سے بڑے فٹ بال کلب مانچسٹر یونائیٹڈ کی آفیشل جرسی لانچ کرکے تاریخ رقم کردی۔
شاہین شاہ آفریدی نے کٹ کی لانچنگ کے لیے برطانیہ میں موجود مانچسٹر یونائیٹڈ کے مشہور ہوم اسٹیڈیم اولڈ ٹریفورڈ کا دورہ کیا جہاں اولڈ ٹریفورڈ کی انتظامیہ نے انہیں آفیشل کٹ لانچ کرنے کے لیے خاص طور پر دعوت دی تھی. جس کے بعد شاہین آفریدی یہ اعزاز پانے والے پہلے مسلمان، ایشیائی اور پاکستانی بن گئے ہیں.
تقریب کی ویڈیو اور تصاویر میں آفریدی کو تاریخی اسٹیڈیم میں مانچسٹر یونائیٹڈ کی آفیشل کٹ پہنے دیکھا جاسکتا ہے. مانچسٹر یونائیٹڈ کی انتظامیہ کا کہنا ہے کہ ہم مستقبل میں شاہین آفریدی کے ساتھ مزید شراکت داری کی توقع رکھتے ہیں۔
شاہین آفریدی کی جانب مانچسٹر یونائیٹڈ کی آفیشل جرسی کی رونمائی کے عمل کو کرکٹ اور فٹ بال کے درمیان ایک پل کی علامت قرار دیا جارہا ہے۔