پاکستانی مارشل آرٹسٹ سفیان محسود نے 5 سال کی عمر میں بھارت کا گینیز ورلڈ ریکارڈ توڑ دیا۔
سفیان محسود 100 گینیز ورلڈ ریکارڈز بنانے والے عرفان محسود کے صاحبزادے ہیں۔
تفصیلات کے مطابق، جنوبی وزیرستان سے تعلق رکھنے والے 5 سالہ سفیان محسود نے بھارت کا مشکل ترین ریکارڈ توڑ کر یہ اعزاز اپنے نام کر لیا ہے۔
سفیان محسود نے7.87 سیکنڈز میں فاسٹیسٹ ٹائم ٹو کلائمب اراؤنڈ اے پرسن کا ریکارڈ بنا کر پاکستان کے کم عمر ورلڈ ریکارڈ ہولڈر کا اعزاز بھی حاصل کر لیا ہے۔
اس سے پہلے یہ ریکارڈ بھارت کے گوکُل ناتھ اور ارجن پرییان کے پاس تھا۔
اس خوشی کے موقع پر سفیان محسود کا کہنا تھا کہ، یہ بہت ہی مشکل اور چیلنجنگ ریکارڈ تھا، اس کو 'کوالا چیلنج' بھی کہا جاتا ہے جو کووڈ کے دوران کافی مشہور ہو گیا تھا۔