بھیرہ کے قریب موٹروے پر کار میں ایک ہی خاندان کے 5 افراد کی پراسرار موت ہو گئی۔
ریسکیو ذرائع کے مطابق ڈرائیور نیم بے ہوشی کی حالت میں پایا گیا جسے فوری طور پراسپتال منتقل کردیا گیا، موٹر وے پولیس کو اطلاع ملی کہ بھلوال کے قریب ایک کار بہت دیر سے کھڑی ہے، موٹر وے پولیس جائے وقوعہ پر پہنچی تو دیکھا کہ کار کا انجن آن ہے اور اس میں موجود لاہور کا ایک خاندان بے ہوش ہے۔
سانحہ کچہ ماچھکہ، پولیس کی جوابی کارروائی، اہلکاروں پر حملے کا مرکزی ملزم ہلاک
ریسکیو عملے کو طلب کرنے پر معلوم ہوا کہ تین خواتین سمیت پانچ افراد جاں بحق ہو چکے ہیں جبکہ ڈرائیور نیم بے ہوش ہے، ڈرائیور عمر قاسم کو فوراً اسپتال منتقل کر دیا گیا۔طبی امداد ملنے کے بعد ڈرائیور کی طبیعت سنبھلی تو اس نے بتایا کہ ہم سب ایک خاندان سے ہیں۔
عمرقاسم نے بتایا کہ ایک خاتون کی طبیعت خراب ہونے لگی تو ایک جگہ رک کر جوس اور دیگر اشیاء خریدیں اور دوبارہ سفر کا آغاز کر دیا، کچھ سفر ہی طے کیا ہو گا کہ میری طبیعت بھی خراب ہونے لگی، میں گاڑی سائیڈ پر پارک کی اور اس کے بعد کیا ہوا مجھے کچھ معلوم نہیں۔
ریسکیو ذرائع کے مطابق موٹر وے پر کار سوارخاندان کی پراسرار موت کی وجہ ابھی تک معلوم نہیں ہو سکی ہے۔