حال ہی میں بھارتی کرکٹرز کی ٹیکس ادائیگی کی رپورٹ منظر عام پر آئی، جس میں بھاری ٹیکس ادا کرنے والے کرکٹرز کے نام فہرست میں شامل تھے۔
کیا آپ جانتے ہیں سب سے زیادہ ٹیکس دینے والا بھارتی کھلاڑی کون ہے؟
یہ اور کوئی نہیں بلکہ ویرات کوہلی ہیں، جنہوں نے ٹیکس کی ادائیگی میں بھی سب کو پیچھے چھوڑ دیا ہے۔
رپورٹ کے مطابق، ویرات کوہلی نے 24-2023ء میں 66 کروڑ بھارتی روپے بطور ٹیکس ادا کئے ہیں۔
دوسرے نمبر پر سابق کپتان مہندر سنگھ دھونی ہیں جنہوں نے 38 کروڑ بھارتی روپے ٹیکس جمع کروایا۔
اسکے علاوہ سچن ٹنڈولکر نے 28 کروڑ بھارتی روپے ٹیکس جبکہ رپورٹ کے مطابق سارو گنگولی نے 23 کروڑ بھارتی روپے ٹیکس کی صورت میں ادا کئے۔
ساتھ ہی بھارتی آل راؤنڈر ہاردیک پانڈیا نے 13 کروڑ بھارتی روپے ٹیکس جمع کروایا۔