پاکستان کے حیدر علی نے پیرالمپکس میں شاندار کارکردگی دکھاتے ہوئے برانز میڈل جیت لیا۔
یہ مقابلے فرانس کے شہر پیرس میں جاری پیرالمپکس کے دوران منعقد ہوئے، جہاں حیدر علی نے ڈسکس تھرو ایف 37 ایونٹ میں حصہ لیتے ہوئے 52.54 میٹر کی تھرو کے ساتھ تیسری پوزیشن حاصل کی۔
یہ حیدر علی کے پیرالمپکس کیریئر کا چوتھا میڈل ہے۔ یاد رہے کہ وہ اس سے پہلے ٹوکیو پیرالمپکس میں گولڈ میڈل بھی جیت چکے ہیں۔
پیرالمپکس مقابلے میں 4,400 ایتھلیٹس شرکت کر رہے ہیں جو کہ 23 مختلف کھیلوں میں اپنی صلاحیتوں کا مظاہرہ کر رہے ہیں۔ حیدر علی اس مرتبہ پاکستان کی نمائندگی کرنے والے واحد ایتھلیٹ ہیں، اور انہوں نے ملک کا نام روشن کر دیا۔