بھارتی ارب پتی صنعتکار مکیش امبانی، رنویر سنگھ اور دیپیکا پڈوکون کی بیٹی کی پیدائش کے بعد ان سے ملنے کے لیے اسپتال پہنچے۔ بھارتی میڈیا کے مطابق، یہ ملاقات ممبئی کے ایچ این ریلائنس اسپتال میں ہوئی، جو امبانی کی ریلائنس فاؤنڈیشن کی ملکیت ہے۔
رپورٹس کے مطابق، رنویر سنگھ اور دیپیکا پڈوکون کی بیٹی کی پیدائش کے بعد مکیش امبانی سخت سیکیورٹی میں اسپتال پہنچے۔ ان کے اسپتال پہنچنے کی خبریں جلد ہی میڈیا کی زینت بن گئیں، اور اس ملاقات کے حوالے سے مزید تفصیلات بھی سامنے آئیں۔ امبانی، جو رنویر اور دیپیکا کے قریبی دوست ہیں، خصوصی طور پر بچی کی پیدائش پر انہیں مبارکباد دینے آئے تھے۔
یاد رہے کہ امبانی خاندان اور اداکار جوڑی کے درمیان قریبی تعلقات ہیں۔ رنویر سنگھ نے اننت امبانی اور رادھیکا مرچنٹ کی شادی کے موقع پر ڈانس پرفارمنس دی تھی، جبکہ دیپیکا پڈوکون نے اپنی حمل کے باوجود شادی کی تقریبات میں بھرپور شرکت کی تھی۔
رپورٹ میں مزید بتایا گیا کہ دیپیکا پڈوکون کو فی الحال اسپتال سے ڈسچارج نہیں کیا گیا اور ان کی صحت کے پیش نظر انہیں کچھ دن اور اسپتال میں قیام کرنا ہوگا۔